直落

呢個星期六勁充實，朝早先同老公一齊歎我勁愛0既大家樂魚柳早餐，然後去左補習。補完習返去梳洗下，就同老會出去搵奶奶飲下午茶，仲以為我地出去先搵埋位，點知佢一早出左去等位啦！

沙田呢間稻香開左之後第一次去，一去到，勁驚訝點解可以多人到咁，足足等左差唔多成粒鐘先有得入，不過d野食黎到就知點解咁多人喇。

一係佢下午茶真係幾平，二係佢d野食幾好味、幾精緻，仲有d你係估唔到0既，例如無啦啦會有特價幾蚊0既熱辣辣點心拎出黎。如果有時間，我諗我會多d同奶奶或者媽咪佢地去飲。

就咁睇係個普通咸水角 . . . . . .

但其實係勁迷你咸水角呢，所以一碟係有四隻唔係三隻架！

飲茶竟然有壽包？！好搞笑呀！仲要勁好味呢！！身後係我個超好人超可愛0既奶奶呢！

個壽包真係勁靚，d粉紅色勁淡勁自然，唔似其他酒樓果d咁假！

食完跟住周圍行，此行奶奶想買手袋仔，老公要買多幾件返工著的恤衫、底衫同襪，所以係咁行，行行0下畀我0向牙醫診所個魚缸見到幾舊雞脾菇，哈哈哈哈！大家睇0下係咪勁似呀！

 

以上全部都係珊瑚，但唔知點解激似雞脾菇，忍唔住要影哂佢呢！

西田四月尾果陣改左名叫一田，超奇怪，仲多左d古靈精怪0既擺設。呢期西田仲有麥嘜& fds 0既奧運佈置，好搞笑呀！！

 

行完一輪，影左一輪，要買0既野已經買0左，轉眼又到晚飯時間，同奶奶食埋飯行多轉就返屋企喇。

今日真係極充實，由朝早十點直落夜晚九點，好耐無試一日出咁耐街喇！不過，今日都好開心呢！