2010年，我有...個目標完成

其實，我寫網誌並唔係近期0既事，一開始亦從未有以美容為出文目標，未去
theZtyle前，我呢個Yblog，主要係記生活、記飲食，但早在更早之前，我已經開始寫網誌，寫過0既好多，但有keep 住link
0既真係好少，其中Opendiary ，係我曾付出最多時間心機0既網誌，我甚至畀埋錢去upgrade，後來更做埋lifetime member。

近年已經少有入去，好多當年有寫0既都走得七七八八，除左因為佢唔夠user friendly ，同成日畀黑客入侵之外，裡面有太多不快回憶都係我淡出0既原因。

輾
轉間走過界寫beauty blog，幾乎忘記左我本來寫網誌係為乜， 以前讀media
其中一個原因係因為愛文字、愛寫作，最終無入行就連自己0既理想都遺忘埋，眼見身邊好多同科唔同科0既人都入左行或者做文字工作，我覺得好慚愧，我開始懷
疑，可能連執筆再寫我都好無力。

坦白講，真係經常都半途而廢，其中一個原因係我太沉迷戀愛，由讀書到依家，感情用事真係害我不淺，除左一段婚姻、一個家，真係咩都無建立到，我覺得好對唔住自己。

觸發到我突然感慨，係每年聖誕都會有0既OD 人聚會，今年已經第七年，每一年都有回顧上年寫落0既目標，但今次我感受特別深，可能真係年紀大，覺得時間唔多好寶貴，唔想再浪費。

 望返2010年所寫0既目標，其實大部分有完成架：

1. 身體健康(當然都有病，但其實touchwood叫畀往年好啦)`

2. 升職加薪(職就無升，我間centre 太細啦，都難有職可升，但都叫有加薪0既，少d囉)

3. 去旅行(4月果陣我終於去左日本喇，雖然中段發燒病左，但整體感覺仍然回味)

4. 儲錢(好明顯係做唔到啦，去旅行都無哂啦，之後買相機呀咁，總之洗凸啦)

5. 減到肥(講真，我都無再刻意減，但可能工作忙加上病，輕左瘦左就無點反彈，touchwood 過埋聖誕睇返都比上年輕2-3kg)

6. 婚姻生活愉快(um...點會無爭執，但人大左成熟左，懂得忍讓就自然少嘈左，都係笑多過喊啦)

7. 進修(有上堂架，不過上左5個月又停左，因為果個月病病病囉，停左就難夾返時間join啦，希望下年可以join 返)

之前講到咁感慨，今年訂立目標果陣的確有d唔同，2011年前再續。

講得太多，要搵咩潤一潤佢？

工作關係，我每日都會講唔少0野，有時係不斷要講野tim，係咁講太多，真係想唔口乾喉渴都幾難。

口乾喉渴就話可以飲水解渴或者嗒返粒喉糖潤喉啦，如果講野講到連嘴唇都乾埋，咁算呀？

唔係誇張架，呢輪天氣咁乾，真係講多幾句野個嘴唇就開始乾，唔及時處理就會慢慢變到扯住，嘴唇邊又會有爆擦先兆、紅紅癢癢咁架喇！

所以我工作檯上係無時無刻常備一樣野：潤唇膏！！！

講返我對潤唇膏要求都唔低架：

1. 要經濟耐用，實在係快速消耗品，價錢太高又好快用完一支的話嘴唔乾就到荷包乾喇

2. 要唔黏，好怕會黐頭髮同飲水果陣搞到水杯黐立立

3. 要唔難聞，最難頂係有d 成陣蠟/膠味，完全無可能埋嘴邊

4. 要夠潤，最怕搽完轉頭等於無搽果d

唔知今次我試用呢支潤唇膏又合唔合我要求呢？

呢支Burt’s Bees 全新芒果滋養潤唇膏，資料表示佢蘊含芒果油、脂肪酸及多種維他命等天然成份，仲有淡淡清甜芒果香味，能迅速滋潤及保濕唇部肌膚，預防乾燥及脫皮等情況，令櫻唇時刻保持柔軟幼滑。

Burt’s Bees 係美國銷售No.1純天然護膚品牌，一向以天然素材製成真正天然健康0既護膚品，全部產品都蘊含95
%或以上天然成份，而且有美國NPA天然產品認証，等用家安心體驗純天然護膚0既好處。


始終係放0向咀上面0既0野，同用0向臉度0既野都應該一樣要咁小心，成份天然的話，就算真係唔小心舔左落肚都無咁驚啦。

有封條貼紙，確保無開過，乾淨衛生。


講返用後感，記得我上面提過幾點嘛？大部其實都過到0既，有少部份我覺得未夠完美，請各位一路睇落去啦。


第一，天然野多數都會貴d，但我覺得佢HK$68 呢個價錢又算合理喎，Burt's Bee間中都會做特價，到時應該會再實惠d tim呢！同埋我真係由收到返黎果日開始keep住喪用，但都無見短左好多，幾襟用喎！

第二，真係唔黏嘴，唔會黐頭髮，唔會整到水杯黐立立，嘴仔亦唔會覺得好油咁。

第三，唔覺得味道好蠟同好膠，香味亦唔會好假，只可以講果隻芒果油味唔係我杯茶，我偏愛熟芒果果種甜味。

第四，搽上嘴其實都幾潤，即時舒緩到乾裂0既不適，仲撫平埋幼紋，奈何係於我而言我覺得未算持久，可能因為我成日都會口乾，所以飲水0既次數都比常人多，一飲完水d 潤唇膏就好快keep唔到要補，如果潤唇效果可以再深入d、持久d就會更加好喇！不過都公平d 講，我都有畀老公用，佢係覺得夠潤同一日裡面唔駛點再搽囉！


雖然佢未做到我理想潤唇膏0既效果，但平心而論呢款潤唇膏對比起市面上好多唔夠天然0既潤唇膏，已經叫好唔錯，加上潤唇膏同我關係咁close，成份天然的確會更令我安心選用，再且價錢合理，都算係買得過呢！

化個粉紅妝，紅粉菲菲過聖誕！

時間真係過得好快，轉眼又到左年尾，今個星期六就已經係聖誕節喇！大家準備左點慶祝未呀？




坦白講，我係未諗架，一向老公都唔係特別有情趣同準備0既，加上佢覺得節日慶祝好畀人住搶，所以，應該我唔諗就唔會有咩特別節目架喇，多數都係去影0下相咁囉！



過往每逢大時大節，我0既妝容都會偏向重手d，但可能物極必反，呢輪我都係鍾意返簡單、淡淡0既妝容，不過始終係聖誕，點都要執靚個樣0既，呢期最寵愛0既妝物應該會順利跑出！



之前都同大家講過，早前敗家敗左唔少，有d 係無出文講返0既，其中包括下面呢set：

應該唔駛我介紹啦，第二輪格仔熱我唯一入手，因為堅靚！

係我最愛0既粉紅色！



呢個set其實都幾抵，除左mini 版0既mascara，仲有下面3樣野。

Paint Pot 真係打底一流！

呢個礦物雙色眼影真係好靚，係非一般0既粉紅同灰黑，粉質好貼滑，d 光粒子好幼細呢！

仲有係色澤自然又唔太黏0既Lipglass。









好，講得話化個粉紅妝，當然會親身示範啦！化得唔好都畀面唔好吐口水呀唔該！







受散光所限，我0既眼妝從無大眼仔，唔知有會唔會好d呢？而受化妝技術所限，遮瑕同假毛都欠奉，請見諒！

因為粉紅色本身同膚色都有d近，所以開眼都唔係太明顯，但都幾精神咁。

合眼會清楚好多，個色其實真係好靚，相已經食咁d色，實色係更有珠光同深色少少架！我只係好簡單用哂2個色做漸變就算，都無特別搞d咩，加埋幼身眼線同擦埋mascara已經夠哂。





搞掂眼妝，再加埋set 內0既lipglass 同淡紅色胭脂，就變成下面個全妝相啦！

希望大家鍾意我0既分享啦！



唔知聖誕前仲會唔會出文，先預祝大家聖誕快樂！！

魅力「毛」法擋！

又一段時間無出文，坦白講，真係越來越無意欲，唔係無野想分享，只係無mood 寫blog ，呢度就黎發霉架喇！



但有d好野，就算無mood 分享，都會想留個記錄。



一直以來我對毛毛衣物都好有偏愛，特別係有d 誇但又夠funny 0既款，就更得我歡心，上一年冬天，我好like 0既brand 出左對毛毛boots ，大愛！仲出左文tim！



重溫： 「毛」出沒主意！



估唔到今年，同一樣係呢個品牌，我又畀佢出0既毛毛boots 吸引左喇！



(鞋買左勁耐，係i.t. sale 已經買喇，不過到近排凍d 先著到，仲好新淨，哈！)

舊年買左對黑色，今年有對杏色，同樣係雪靴款勁毛毛，不一樣的配搭，感覺無咁敗家。

我好鍾意佢前面幾粒波波，好得意，但好驚佢會甩囉！！

其實佢可以翻落黎著架，老公同我覺得咁樣好睇d呢，你地覺得呢？

毛毛配格仔同波波，Hyoma 永遠充滿玩味，好難唔鍾意呢！





今個冬天，繼續「毛」上身！！

我是名副其實的"鞋"童

很久沒發文，除了最例牌：「因為忙。」之外，其實是沒動力，想分享的不少，只是有心無力。這陣子情緒不太好，人甚迷惘，腦筋也不太能動，連用腦也不願，更莫論發文。

但累歸累，總不能讓這裡生出菌吧？！就分享一下早期分別於幾團入手的鞋吧！Amy ，雖因你我才入此魔道，但也真要謝你山長水遠帶著鞋子過來吧！

坦白說，我愛買鞋的程度是達恐怖級別，但也未曾一個月內購入這麼多對鞋，淘寶真是害人不淺。(更恐怖的是，除了淘寶鞋，早陣子我還入了Hello Kitty Cros 和Hyoma 毛毛靴。)


網上買鞋其實也有風險，又會怕不合穿又擔心質量，若非友人開團也真的不會冒險，還好總括而言也算滿意，重點是，真的超便宜，我一對Hyoma 就幾乎能換下面9成鞋子了。

這對是我少有會買的款色，原來也不如想像中難配襯，好看又有型格。

我最愛的桃紅色，易配搭又舒適的平底鞋，美美的且很有糖果feel呢！

這個我忘了拍，找來了賣家的圖。這對我很喜歡，又是我最愛的粉紅，而且款色很白搭，穿裙或褲子也可以，質量也不錯。

又一對平底鞋，貪其泥黃色不太誇又不會太悶，同樣舒服易襯，粗著上班一流。


下面兩對同時絨面短根鞋，不超過兩吋的鞋跟是我認為穿得最舒服的，絨面又有點高貴，也很合秋冬呢！

格仔是長青款，綠色格較特別，雖然有點難配，但整體感覺良好，缺點是鞋底太薄，特別我這薄腳板人，一定要加鞋墊。

這對深藍波點好一點，又很好配，但同樣是鞋底薄了點。


入了秋冬，一對好看的靴，是不可缺少的，於是就入了以下的。

我一向喜歡有趣的款式，但從未買過鬚鬚款，原來也可以很好看呢！很喜歡這對呢！

平底毛毛靴，看似沒什特別，其實毛毛可顪拆豐來的呢！

這對鞋可以變幾個穿法，還是最後那穿法較得我心，很看起很欺文高雅呢！

這對是我唯一不太滿意的，質料是想不到的硬身，穿上也很花力(幾乎無法脫下)，其中一條鞋條鞋帶還斷裂了，讓人有點沮喪，希望能修好。


因為要放這堆鞋，讓我又檢視了鞋櫃，救命，原來還有很多鞋子是沒穿過太多次的，真要多多寵幸它們呢！

野草燒不盡，JS 吹又生

每逢聖誕臨近，就係我最易流到一地血0既時候，其實我都會試0下避，但有d野，避唔過就係避唔過。



JS 呢個x'mas set ，我一出好想擁有，本來因為我去得太遲，所以已經sold out，都唔想再諗會唔會返貨，當慳d錢算，點知星期四去faces ，竟然畀我見到又有貨，令我覺得我係註定要帶佢返屋企架！

今次個packing 包包真係好靚呢！超愛lace 野！

入面有兩格，質料當然好啦！

今次個set 包括：雙色胭脂連掃、眼影膏、lip gloss 、香水粉撲、假睫毛同膠水。個假毛超誇，型呀！

眼影膏好似同上年個色一樣咁呢！

胭脂內格都靚靚架！

呢個色應該都易carry，但我唔一個會捨得用佢囉！





以為我流血卜文到此為此，錯喇，仲有，稍後再出文！

要拉面皮定美麗綻放，你地自己話事啦！

係咪有種睇完標題都唔明0既感覺呢？



唔賣關子啦，我講緊0既係一向好受大家歡迎0既平民價面膜：我的美麗日記。



呢輪佢又有新搞作，終於出左掛耳面膜喇！

呢隻拉提美型面膜有2款，另一款係美白架，有得掛耳有得敷埋頸又可收緊返，紙質雖厚但唔焗，貼臉度ok，有勁多精華，敷完好水潤亦feel 到輕微緊緻左呢。 價錢只係HKD 58 / 8片，真係幾抵。

面膜個形就係咁，其實都幾搞笑囉！







除左以上拉提美型面膜，仲有下面呢隻：

我的美麗日記限量版：美麗綻放篇，其實有5款，但我只係入左3款，試左咩料先決定再唔再買嘛！佢聲稱係多層親肌水膜紙，更吸水更服貼。



我敷左向日葵果隻，剪裁一般但貼臉度都ok，不過我會覺得拉提美型貼d，呢隻又係勁多精華，敷完成臉都仲好水好濕潤，還好按摩一下就吸收埋，加埋佢好自然
0既淡淡甜味，我覺得敷呢款面膜果陣都幾relax。敷完第朝都仲好水潤，以佢HKD 35 / 5 片0既價錢，都真係唔錯呢！考慮買埋淨返兩款先得。





連出兩篇，大家要多多支持呀！

敗開有條路...經過都唔放過...買呀！

朗豪坊真係一個萬惡之地，齊集各大牌子，對我呢d 毫無抵抗能力0既女人黎講，真係無辦法唔流到一地血。



就係入M.A.C. 呢個魔道0既同一日，我經過其他counter ，都唔覺意流多左兩灘血。





先係ettusais ，我真係用左好多，每隔一排就會去，每有新野都忍唔手，今次，都唔例外。

限量粉餅連粉盒set，連支保濕噴霧，加防曬base 同toner 0既travel  size，無記錯係HKD 420。



另外係限量版lip essense ，平時果支我一向用開，回購過n 次，大推。今次呢支係Deep Moist ，效果一樣咁正，可以keep 到好耐都唔會覺得咀仔講。講多句，支lip stick 都唔錯架。

今次個粉盒都好靚呢！我屋企有個係有我個名0既限量粉盒tim!

我畀完錢BA已經幫我入左個粉餅入盒，都未認真研究到個粉餅係咩料，不過都知佢白色部份係for t-zone 0既，它家粉餅我一向有用開，今次呢個粉餅如何，留返下次等我試真d再講。





去得朗豪坊，我一定會去探0下Bourjois 0既counter，之前買落d cash coupon ，每有新野我就會去換0下咁囉，今次換左下面呢d：

新色Smoky Eyes 同新色甲油，個眼影一見就要擁有，勁靚，個甲油返到去我都諗點解會換左返黎，係暗紫色黎。



可能因為用coupon ，真係無留意佢加左價，唔怪呢度用到兩張HKD 100 現金券啦。

黑金組合，超正，上眼仲正，下次同大家分享0下。





你話，係咪敗開有條路先？！要開始節衣先得喇！

Olay 再進化：Professional Pro X 專業方程式系列～萬寧有得賣喇！

相信這裡的各位，應該和我一樣，有事沒事都愛到萬寧屈臣氏逛逛，看看有什麼特價、出位價、新登場等等。

今天吃飽沒事幹，又去了萬寧一轉，想不到見到以下的產品：

我
當然不是豪得一下子把新產品全套入手，照片內的是早前有幸被選中，見過醫生、做過皮膚分析後(很認真的試用案呢)收到搶先體驗的產品，由左至右，機能水→
亮膚透白精華→特效修護眼霜→抗皺緊膚霜。官方表示經過多名專家十年的研究，成功找出能夠重組老化肌膚基因的科技，並率先將基因科技引入護膚領域的專業醫
學護膚新品OLAY PROFESSIONAL ProX 專業方程式系列，令肌膚回復年輕狀態。

試用產品已經有兩個星期，月尾會再去進行皮膚分析，由數據告知產品成效，感覺很專業。試用後感還是待完成試用案後再分享吧。

於萬寧所見，這系列除了我這款面霜外，還有兩款不同功效的面霜，產品價錢由港幣279元至379元不等，大家有興趣可以去萬寧看看。

為左個寶箱，我實行送上門！

大家唔知有無睇我尋日篇文，剛剛先畀M.A.C 殺到一頸血，應該好好回氣，等荷包食返飽先再出動，點知...真係敗開有條路...



尋日去朗豪，本來係為左 Lancome 加 HKD380 換果套野，點知最終無貨買唔到，加上買左M.A.C 都諗住收手啦。



點知諗黎諗去越覺得唔可以，點可以咁易放棄，第一次見實物就因為無合心意0既skin care set 放棄左，特意再去睇又竟然無貨。我明明收到宣傳單張已經諗定係must buy 架嘛，唔可以再等有貨先出動喇！



有時女人就係咁，堅持起上黎都可以好得人驚。我係認真到上網search 佢地分店電話，target
左我方便去果幾間，逐間打去問人地仲有無個化妝箱同有無我想要0既set。(但我搵唔到Lancome 有香港官網囉，都係search
佢一個美白promotion 先搵到地址電話咋！)



終於，都係最少人0既圓方最齊貨，放工即去。





就係咁，好順利就帶左佢返去喇！

超大盒呀！

呢個化妝箱好pro 咁呢！

有幾格可以放唔同野，好實用！





除左化妝箱之外，仲有好多野跟埋呢！

靚靚0既4色眼影，呢個色系好易配搭。

Lancome 0既mascara 其實都唔錯呢！

3支lip stick ，其中兩支係貨size 黎呢，但d 色唔知襯唔襯我，諗0下試唔試先。

仲有eye & lip remover 同香水版，同埋mini size 0既Juicy Tube ，正！

呢套掃又係好吸引，包裝已經好靚。

入面3支掃都好軟架！

仲有廣告賣到好行果支基底液0既sample，可以試試係咪講到咁好用。



加HKD 380 就有咁多，真係好抵！









為左換上面set 野，我就買左個skin care set。

煥顏細胞再生日霜

eye mask x 3

爽膚水、眼精華同精華0既sample





唔駛一千蚊就得到心頭好，大滿足，超級開心啦！





其實朗豪一役仲有野入手，大家有興趣就留言，我再出文講啦！謝謝！