簡單一掃，都可以好閃爍

某日同友人食lunch ，佢一見面第一句就同我講：你對手都好閃好靚0下喎！我一黎就見到喇！

估唔到只係咁簡單0既閃粉甲，都可以輕易吸引到人地0既注意。

講真，由於成日好忙都無咩時間，加上人懶又手殘，對於好多blogger 可以整到d 手甲咁靚，我只有羨慕果份。搽甲油都搽到出哂界，都咪講話印花畫花啦。

所以，就算真係搞，我大部分時間都係好單調咁齋搽甲油同top coat。正因為咁，一款顏色靚、易搽又夠吸引0既甲油，對我黎講好緊要。另外，因為我係唔會去整gel 甲果d ，所以一款可以營造到gel 甲效果0既top coat ，係我夢寐以求0既。

早陣子，就畀我遇著佢地，令我一雙手，可以簡單簡單單，就由平凡變做不平凡。

Coffret D'or - Jewelite Nail Colour (左)

Coffret D'or - Gel Mode Top Coat (右)

只係搽一層，已經好閃呢。個掃仲要好易handle，手殘如我都全無出界。

搽多一層，就可以遮哂指甲0既色，上埋top coat ，仲有d 似gel 甲0既效果呢（可恨相機影出黎唔夠明顯）。同埋真係好bling bling 咁，對於我呢d 又手殘又懶0既人，就咁一支甲油一支top coat 就已經有咁突出0既效果，真係好。

整個夏季，用得最多0既甲油就係佢地，雖然已步入秋冬，深色當道，但我應該會繼續寵愛佢地呢！