為左靚，自己都要動動手！

 

記得以前細個，可能因為時間多，好多扮靚0既野都會係diy ，diy 面膜、小手作飾物、自家煮、自已動手夾頭髮，甚至乎剪同染都係自己黎。

依家人大左，時間真係買少見少，自己動手0既機會同動力都相對滅少，好多時想的起心肝自己做，但最後都會因為無時間、怕麻煩而放棄。

國慶日，終於鼓起勇氣去剪左把頭髮，有人話剪短髮會上癮，我諗我係其中一個，當然，依家未係我最短0既時間，但係細個勁愛長直髮0既我，近年都偏愛未及肩0既長度，往往留唔長又去鬼左剪喇。

 

雖然剪頭髮我搵左外人，但講到染髮，我都幾堅持不求人，可能因為有不愉快經驗，所以我好耐無0向出面染髮喇。為左可以keep 住靚靚髮色，都係時候染0下。

 

用0既係萬寧購入0既Reyvlon Colosilk Luminista 染髮劑125號棕啡色。

裡面有說明書、2支要mix 埋用0既染髮劑，護髮素同手套。

話加左絲質芒果油同無阿摩尼亞，真係完全唔難聞，仲有微微香味呢！

 

簡簡單單4個step，唔駛半個鐘就搞掂哂喇！

 

染完就係咁喇，所有白頭髮唔見哂囉！

 

染完真係一d都唔乾，頭髮仍然好柔軟有光澤呢！

 

所以有時自己黎都唔錯架！