限量版，一個好容易吸引到我又會令我失守0既字詞，已經數唔到幾多次衰係「限量版」手上。人0既心態好奇怪，硬係覺得限量、賣完就無0既野就好似正d咁，有d 限量產品甚至會令人覺得非不惜一切去搶購不可。
但果d所謂「限量版」又係咪真係正d？係咪咁非買不可？
答案我相信大家心中有數，所以我依家都唔係見限量就買，真係會睇係埋0岩用同有用啦。
不過終歸係有「限量版」情意結，可以遇到真係正0既限量版，又真係會開心d 。而我今次有幸遇到呢個我認為唔可以錯過0既限量產品 ...... L'Oreal Paris Revitalift 面頸輪廓塑形精華。
真係無諗過連skincare 都有期間限定，仲要係有抗皺塑顏0既功效，好吸引呢！
同系列0既mask 我有用開，仲係回購之選，今次呢個精華又如何？
個設計真係幾得意，上面係滾輪，下面係精華。
呢個按摩精華係有雙重修護作用：按摩+集中處理，緊塑輪廓。
Step 1 促進緊膚按摩
概念源自專業按摩技術，專利按摩滾輪0既特別設計創造出40個壓力點。
跟住下圖簡單3處碌碌碌，就可以幫助促進同調節肌膚機能。
記住係對準面同頸0既鬆弛部位，滾輪同臉成45度角，先好向上碌呢。同埋要注意力度，唔好太大力，同一部位最多重複按摩5次，避免整傷皮膚。
同埋真係建議碌之前先搽d 比較濕潤0既保濕產品先，如果唔係乾碌感覺上都幾傷皮膚呢！
講返碌後感，真係好爽，好似做用運動咁，塊面有d 暖暖0既感覺，feel d 血液運行咁，即時覺得皮膚都得到拉緊呢。
碌完一輪，當然就係用個精華做返護理啦。
Step 2 集中抗皺收緊乳霜
內含實驗證實高效抗皺0既維他命原A，仲有有助重新收緊同支撐皮膚0既活性纖維原。
專為按摩後用而設，有即時平滑肌膚同收緊輪廓0既功效。
有2邊窿，按出黎0既精華係1半透明、1半奶白色，mix 埋搽上臉，輕輕由下至上按壓返之前按摩過0既部位。
香味有d 似baby lotion ，質地都小杰，唔係太好推，所以按摩果陣要小心d 唔好太拉扯到皮膚，唔係就有反效果。用後即時真係見到皮膚平滑左，摸落柔軟好滋潤咁。但真係無保濕度，一定要前or後加保濕產品先得。如我之前所講，我都係建議用滾輪按摩前就先用較濕潤0既保濕產品，咁就碌同之後按都唔會咁易對皮膚造成過度0既壓力同拉扯啦。
只係試到短短5日，係咪抗皺回復線條真係未試到，但收緊輪廓就真係feel得到、睇得見。
我係果d 一唔夠訓塊臉就一定會脹爆0既人，近呢幾日我係3、4點先訓，呢兩日更係連續兩晚通頂，塊臉都無腫到脹爆咁，我信係碌碌同精華0既功勞黎架！
另一樣限量品就係L'Oreal Paris White Perfect 24小時重點袪斑雙效精華。
一支產品分左兩邊，一邊係日用0既遮瑕護理，另一邊係夜用0既袪斑精華。
遮瑕護理內含全新均衡膚色粒子，有即時遮瑕效果，同時有Melanin Vanish 袪黑亮白因子，減少黑色素，持久對抗黑斑，仲有防紫外線，幫助預防色斑同肌膚變黑。
坦白講，自從早前用過一支去斑產品之後，斑斑都幾乎無左影，所以都無再重點理去斑呢環，亦無咩特別需要遮，所以呢個遮瑕我主要用黎做防護同均勻個膚色，真係有即時打亮之效，但略嫌質地有d乾唔太好推，要先用保濕再用佢，如果唔係就變乾推。
呢個精華質地比遮瑕較濕潤，好推d又無咁乾，，因為只係用左短短5日，加上我d 表層斑真係唔太覺，所以都評唔到佢0既效果，不過都覺得用後皮膚有透亮左。
兩款限量產品價位都真係好相宜，特別係個塑形精華，我真係好推，精華用哂個碌碌都有用埋，碌多d刺激0下d 穴位，日子有功，唔變尖面都一定唔會脹面囉！
提提大家，兩款產品都係賣完就無，真係有買趁手呢！
真係多謝HKCOSME.COM 同L'Oreal Paris 提供以上產品。
沒有留言:
張貼留言