華麗外表下，真係好索啊！

 

年紀越大，對自己0既外表就越緊張，以前咩都闊落懶理，恃住後生青春無敵，保養都無認真做好，後遺就係青春轉瞬即逝，之前積落0既問題依家要加倍努力去修補。

 

青春轉眼不復見，其中一樣最明顯就係皮膚開始老化，毛孔、色斑、暗啞、甚至皺紋，都開始慢慢浮出黎，就係因為皮膚0既青春元素「骨膠原」隨住年齡增長不斷減少，真係諗到都覺恐怖，更何況係發生緊0向自己身上？！

好可惜0既係，即使將更多0既精華搽上臉，都只不過可以減慢肌膚問題出現，無辦法回復年輕肌膚。咁點算？

唯有搵辦法從根本修護，激發皮膚底層細胞去製造更多膠原蛋白質。

 

今次幫我從根本做修復0既就係下面呢兩支：

Suisse Reborn 超純骨膠原極致修護液

容量: 5mlX12 (今次我有兩支)

原價: HK$3608.00

特價: HK$1980.00

單係包裝已經好華麗，完全附合佢名貴0既感覺呢！

每支原液都以無菌包裝設計，獨立吸管直接接觸樽裡面原液，真係好乾淨衛生。

另外閃銀色0既樽身，可以避免光線污染，完整保護活性成份，保持原液最純淨0既狀態。

 

 

產品介紹 ：

世紀科研成就，打造最強的純骨膠原修護力量！骨膠原是肌膚年輕化的根之所在；它會隨年月流失，肌膚新陳代謝減慢，逐漸減少製造青春肌膚必須的年輕蛋白質。革命性科研突破「超純骨膠原極致修護液」，激發肌膚底層細胞，源源不斷製造更多膠原蛋白質青春元素。其蘊含的Collagen Synthesis – Stimulating Peptide及SYN® - COLL更獲瑞士測試認証能增加119%膠原蛋白。配合羽扇豆種籽萃取物，能激發細胞活化、再生，增加新的細胞以達到抗皺效能，令肌膚緊緻幼滑。同時加入透明質酸強效保濕及鎖水成份，保持皮膚彈性光澤。只需七天，肌膚「膠原」重建完成後，無瑕富彈性的肌膚將會重現。肌膚更水潤、毛孔更幼細；色斑減退、光澤顯著，晶瑩嫩白！

睇到以上0既廣告，令到我未用已經勁期待，咁到底係咪如廣告所言，有咁強勁0既功效呢？

 

嗯，有一樣我一定要講，就係佢真係勁索，之前用過一d 骨膠原、膠原蛋白0既產品，唔係話唔吸收，但搽用都會好似有層野張住，要d 時間先吸收哂，而呢個原液就真係索得勁快，轉眼就吸收哂呢！

BA 話一次用半支，但我覺得唔駛咁多都ok，咁貴我唔捨得咁豪呀，同埋每次一兩下都夠全臉喇！

用左只係一段短時間，要回復青春肌膚當然無咁易啦，但都真係見到皮膚滑左、有彈性、明亮左、緊緻左，毛孔都幼細左，至於紋同斑，由於我本身都唔算明顯，真係無留意到有無改善呢！不過只係短短幾日已有可見到0既效果，我畀呢支原液絕對係非常正面0既評價！

不過，實在係太貴喇，窮家女如我真係無可能keep住買keep住用呢！當急救品還可以吧！

其實寫呢篇文果陣，已經試用完一段時間，只係一路無時間執返好篇文，遲哂大到，真係唔係幾好意思。

最後多謝卓悅提供今次試用呢！