終於，就到時間同假期。
終於，叫做有筆夠去旅行0既資金。
終於，臨急決定到目的地。
雖然，因為太急準備，錢花多左，計劃唔切自由行，地點又北海道轉左去大阪，但總算可以去到我一直想去0既日本。
雖然，今次去日本，幾乎用哂我成副身家，但錢財身外物，最多努力買少d 儲過囉！（謎之聲：但聽講你返黎好似買得仲癲，果堆skincare 係想點先？！）
終於，睇到我幻想過n 次，靚到令人感動，真正滿開0既櫻花。
真係無乜幾何咁早起身，明明勁夜先訓，但第日四點幾就起身喇！魂魄都未醒囉！
7點就已經置身機場，完全係未醒扮精神0既樣，哈。
今次除左我同老公去之外，我仲偷運左小花上機呢。
經過幾個鐘，食左勁難食飛機餐，睇左齣戲，同捱左一輪耳嗚耳痛之後，終於到左日本喇！
我當然就係帶部G10去啦 ，老公就拎左400D。講開，原來我未睇佢影d 相呢！哈！
離開左機場，就去左道頓堀、心齋橋果邊喇！
成條道頓堀都係呢隻蟹！
呢個公仔好搞笑呢！
呢部雪糕機d 雪糕，好味到唔識講呀！！
行左幾個鐘，食左d 街頭小食，其實心齋橋都算多野買，但我無乜意欲買，所以買左好多，係手信囉！有d 行左去Sogo 果邊，但我一心黎日本真係唔係為買野，亦無目標買咩返去咁，所以都係hea 住行算，哈！
到左入夜，又係另一番風味！
食左餐not ok 0既sabusabu 之後，就返酒店休息喇！
間房勁大間，張單人床都有雙人床咁大囉！
消毒左個浴缸之後，就整返個泡泡浴喇，超舒服！
是日收穫：
真係買左好多野，仲要係平0野囉!!!
朱古力計數機只係100 yen ，豬仔盒200 yen，leggings 每對315 yen 咋！
沒有留言:
張貼留言