講完d 唔開心野，講返d 令人開心d 0既敗家野先，平衡0下嘛。
上一篇講爛臉，其實我間中都會有呢d 情況，不過就少有咁嚴重（喊！），雖然呢d 日子最好唔化妝畀佢抖0下，但有時候都未必避免到架嘛！咁有粒粒又會想遮0下唔想咁樣衰出去架嘛！
我知呢個世上好難兩全其美，但總會搵到辦法0既，而我，就搵到佢。
其實一直有留意ettusais呢個牌子，我大學時期勁爆瘡都係靠佢，而佢0既底妝用品，都適合返暗瘡肌膚用，前排佢出左新0既防曬base 同粉餅，講到話做到美肌小顏效果咁話，就係咁，我咪乖乖掏出荷包囉！
左手邊係新配方0既base，右手邊係限量版0既compact 連粉盒。
本來我係貪新鮮買，但試足大半個月，真係覺得值得推。
呢隻防曬base係有色0既，但其實推開唔係真係好覺有色，主要係令膚色均勻返同修飾返d 毛孔咁，都幾水狀同易推，亦唔算lup。
只係用左base 之後，膚色真係均勻明亮左，亦遮左我d 泛紅0既地方，毛孔亦無咁明顯，只係因為佢實在係無咩色，所以遮唔到下巴d 痘痘。
呢個就係話係限量0既compact，因為試過上臉覺得佢個粉都偏白，所以我揀左自然色。
我覺得呢個粉餅都幾靚，又夠扁，方便外攜呀！
隨盒都附有粉撲，幾軟熟，拍上臉好舒服呢！
compact 入面有d 淺色部分，其實係珠光黎架，佢就係靠呢d 珠光部分配埋原來粉餅0既部分，令到上臉可以營造到立體感，從而做到視覺上小顏同埋美肌0既效果。
好，又係時候去相喇！
加埋個compact ，臉上瑕疵都遮近9成，係d 被較紅0既痘仲見到，同見到少少眼圈囉，不過完全無落遮瑕黎講，我已經滿意個效果。
雖然係有閃粉，但真係好幼細，上左臉基本上係完全唔覺，唔會變閃面人，哈！
有無小顏到我自己真係唔曉睇，但都見到立體感重左，特別係鼻，我本身係無鼻樑架！
美肌方面，其實大家隱約睇到我皮膚都幾差，上左粉之後已經睇落白滑左同細緻左啦。
另外抵讚0既係個粉真係好幼細好貼，而且出左全日街都無泛粉，只係鼻同鼻翼兩邊出少少油咁，印一印，補補粉，又變返靚靚妝，完全無變粉樣呢！我返工只係用佢，無再搽其他野，d 同事都睇唔出我化左底妝呢！
就算近睇，都無好粉架，d 毛孔都遮得唔錯tim呢！最明顯係有返個鼻樑呢！
我試意推介畀想懶又愛美又走開自然風0既女生呢！
沒有留言:
張貼留言