當我有化妝0既日子，大家見到我果陣好多時都會focus 左落我對眼度，然後問以下問題：
你電左眼睫毛呀？
你黐左假毛呀？
但又搞笑地，通常遇到呢d 問題0既日子，我都係無做假架！
就好似今日，之前配左0既新眼鏡拎得要去試位，但我又唔記得超搽左mascara，0向試位0既時候，d 眼睫毛係咁掃個鏡片，真係頂住唔舒服囉，好彩之後較好左個鼻pad，就無再睫毛掃鏡片啦！
我呢頭除眼鏡，老公就話我：做咩你明知要拎眼鏡你都用假毛呀？
怨枉呀！！我無用假毛呀！只係轉左新睫毛液咋！
熟我0既都知我係睫毛液怪，勁鍾意用睫毛液，不停買唔同牌子0既睫毛液。但就仲未試過同一款睫毛液，我係回購次數超過半打囉！
呢個牌子0既睫毛液，我一直想推介畀大家，佢廣告話「真像假睫毛」，真係無講錯架！要自然要浮誇，你想點就點，仲要防汗防油唔會變熊貓，再且暖水可卸勁方便呢！
講左咁耐，都未講係咩牌子，就係déjàvu Fiberwig喇！(借theZtyle 張相用用先)
p.s. 我用果個係舊版，this is 新版呀！
就係前兩日見到theZtyle 呢度講 déjàvu Fiberwig 出新mascara，我呢個die hard fans 就記得去莎莎果陣睇睇出左未，點知又真係出左呢！
除左紅色for清晰、纖長效果果款有新配方，仲另外出左隻新野，超級魅惑迷人濃密型Lash Knockout (又借圖一用，哈！)，話係濃密豐盈，仲話兩款加埋就係完美“立體假睫毛”效果。講到咁，梗係想試啦！
右眼係用左紅色，左眼係用左桃紅色，明顯地係左眼效果出d呢！
左眼真係長d同粗d，點解紅色果個話for 纖長但唔長0既？不過桃紅果隻就效果好好，一層已經好出色呢！
合眼由上睇落去就會見到其實長度唔差得遠，只係右眼紅色果款搽完d 睫毛仲係好幼，唔夠明顯，而左眼桃紅果款就好睇到加粗左睫毛液，令佢睇落效果好出囉！
講到呢度，唔駛諗都知我買左邊款啦！
尋日就咁0向莎莎試，其實唔太試得真，今日我就開佢齋認真搽，同我屋企d 自然款假毛比，其實一d 都唔輸蝕呢！
上面左眼係only 一層，效果都幾good la，而右眼就係兩層，但我今次失手，乾哂先搽第二層，搞到搽得唔好睇，下次要快手d先得。
講畀大家知，我呢次只係心急想開黎試試先，所以都無認真慢慢搽，其實呢支睫毛液仲可以有更好表現，真係可以做到更似假睫毛0既效果架。本來我用舊版果陣影左堆相，可惜搵唔返，如果大家想睇，我考慮重新影過畀大家睇啦！
