近期常用化妝品（一）乜粉物粉篇

等我得閒記錄0下自己每一隔一排最常用0既化妝護膚品先。今次講粉先啦。

乾粉我之前常用係ettusais0既zero pore控油（左），好鍾意，幾滑淨又遮到毛孔，難得畀我用到見哂底0既乾粉，而且我好鍾意個粉盒，係有個名同星座符號架，用埋其他我會考慮買返refill；跟住轉左cezanne 藍色盒都係控油果款（右），價錢係ettusais 幾份之一咋，但好好用囉，唔算厚，都ok貼同滑，仲真係幾控油，用哂我應該會買refill，畢竟幾十蚊粗用都抵囉！

（右上）劇場版0既碎粉，呢盒已經係第二盒，第一盒係原色，依家依盒係連bb cream set 內0既pearl beige，係有閃粉，我兩隻色都鍾意，而呢隻碎粉好幼細同滑淨，都幾好用呢！

（右下）上次sogo 大減價買左0既covermark，因為冬天變得常用，除左好凍好乾0既冬季，同埋某d場合，我其實真係好少用濕粉，呢個冬天用密左好多，支covermark都算係幾好用，潤得黎唔笠，都ok貼，薄薄一層加碎粉已經好夠。

（中）Maybelline Angel Fit 粉底液，係偶然見到SASA做特價勁平貪得意買0既，估佢唔到地好用，好貼好潤，唔算笠，遮瑕度又幾好，我呢d勁油人可以半日都無點出油，幾十蚊真係算係咁囉！

（左二）ettusais 遮瑕，初時係為左遮暗瘡同暗瘡印，依家都少出暗瘡，用慣左覺得唔錯懶得轉，用埋黎遮眼圈，效果都幾好，不過要細心印開囉！

（左一）ettusais遮毛孔，我一唔夠訓d毛孔就作怪，呢支都真係幾遮到，仲可以平衡返我鼻周圍過紅0既膚色。

我發現我真係無乜粉底粉餅遮瑕，對呢方面我算好求其，總之色0岩上到唔會好易出油就ok，暫時都無邊隻係我用左覺得好差，差到要掉左佢0既，通常轉係因為貪新鮮囉，哈。