南丫島之旅 Day 1

平安夜晚入左南丫島，第一個環節就係bbq，講真，我唔好，但一班人氣氛係唔同0既，所以都燒得ok開心！！一行十幾人，好耐無試過咁多人燒野食喇！！

個粟米甜到咩咁，勁好味，我食左兩個呀！

我燒完無咩做就同大家影下相！

栗子個燒賣，d燒賣燒完脹哂，好可愛！



因為有d人自己燒完自己果份就走鬼左返渡假屋，又d又早訓開頂唔住返去訓，終於得我地幾留守到最後，講0下笑0下，多得Tony，我地笑到傻左，哈哈哈哈！燒到成十二點幾都燒唔哂d，大家投哂降，影埋相就返去喇！！

當然唔少得同老公合照啦！！

就係我地幾個留守到最後！！

整張搞笑表情先，嘩，老公個樣好嚇人呀！！Tony咁係整左架喇？！

再黎張pose、大家似乎太正經喇！哈！

Tony又一次成為圍攻對象囉！！



跟住收拾埋殘局之後，大家就返去輪流梳洗，仲玩左大富翁，勁耐無玩囉！不過真係玩得勁開心，最搞笑係因為好多人訓左，我地玩到勁興奮但又要勁細聲，不停"殊"咁，好搞笑！

講返個大富翁，我地一開始就已經係咁派錢，不停派，幾乎派到無，靠每個圈果2000蚊過活，真係黑到無人有，但竟然都死唔去，後期仲有轉機，搵返唔少返黎。三姨同栗子又係，搞到抵押咁，但最後都玩得到尾囉，三姨仲勁，後期憑住一個鯉魚門賺到笑啦！可惜係大家姐真係太旺，佢係收錢收到手軟果隻囉，由頭帶到尾，無人能夠匹敵，簡真係大富翁之王呀！！最搞笑係Tony，明明開頭係好旺架，又勁買地，但唔知點解係起極都起唔成樓，初頭佢畀租畀得勁豪，話"xxx0者，畀佢囉！！！"，但自從佢講左呢句之後，佢d錢就倒水咁倒囉！哈！最後搞到抵押都唔夠畀要破產收場，哈哈！但講開又講，佢唔破產的話，我地就無得訓喇！！！

終於都要成差唔多五點先訓到囉！勁耐無試過咁"早"訓，哈！