喜善138元套餐

今日gathering 去左EMAX喜善，因為佢有個每位138大闡蟹/龍蝦餐，Cathy食過話正，所以去試試囉！

每人一碗蟹肉翅，好足料又勁好味呢！

每人可以揀半隻蒜蓉焗龍蝦或一隻大闡蟹，呢晚個個要哂蝦，都幾大隻，啖啖肉，ok好味，如果唔過熟會仲正囉！

跟住每人仲可以揀一個小菜，大部份係海味，以為會細碟，點知都幾大碟囉！！

鮑汁花膠筒，花膠好咬感又入味，正！

冷盤海蜇同鮑魚，海蜇好惹味，鮑魚點左wasabi好好味呢！

蟹粉海參小棠菜，海參好夠諗，菜甜，個汁送飯一流！

雞湯桂花蚌豆苗，呢個都好好味呀！

雲吞雞，我地叫左五份餐，呢個菜有六粒雲吞，個湯好有雞味。

甜品係芝麻糊或馬蹄露，兩款都好味！！

當然唔少得大合照啦！！

佢門口0既佈置都幾靚，我地又影0下，可惜Amy趕返工走先啦！

今晚個個掛住睇電視無乜sharing，淨係搭車果陣同Amy 、珊姐傾過陣偈，下次要傾多d呢！