Bourjois 限量版波波唇彩

既然放開，唔爭在喇，呢個係我10月31日0向計劃開始前0既最後一日忍唔到手買返黎架！咪又係一個包裝靚，殺死左我囉！

非常慶幸0既係，呢個好平，哈！

呢個波波真係好靚架，實物勁閃令令，最衰影相睇唔出，我幫佢加d sparkle 先得，哈！

隻色係好自然0既淡紅，不過我九成唔捨得用，果時Dior 粒骰個唇彩底0既膠水甩左，成個反轉左，整花個唇彩，我不知幾心痛，所以呢個如無意外我係會儲囉！頂！樣樣都買黎儲，作死囉！

呢支eyeliner 唔知係咪都係限量，佢有黑、藍、綠 3 色，3 隻都有閃粉勁靚，感覺上都幾易畫，而且都算快乾，我呢個眼線液白痴不知天高地厚，竟然決定買返去畀多機會自己，希望無事啦！

其實本來我想其他色，但穩陣起見，都係揀左黑，怕自己其他色唔用嘛！