牛扒配炒紅飯

今日真係無厘啦更c忽痕，煮飯就煮飯，又要無果樣整果樣，煎完牛扒走去炒紅飯，炒完紅飯仲要懶靚咁成份餐用碟上囉！！哈哈！

上面一碟係我一碟係老公0既，係黑椒牛扒配紅飯（茄汁蛋炒飯），明明個飯及得好好架嘛，一落碟就散開，激死！配菜係西芹粟米芯炒雞柳煙肉粒，勁多0野！

仲有碟佛手瓜，落左少少XO醬炒，都ok喎！！望落成碟都係瓜，其實內有乾坤！！

哈！入面全部都係蝦黎架！！咪又係今晚呢位煮婦無聊之作囉！！



不過老公見到我d無聊野佢好開心呢！佢會一路話我一路笑，我成日懷疑佢其實心底裡不知幾鍾意我傻0下傻0下囉！！