一田大減價，目標係買枕頭，於是今晚出發去睇，點知. . . . . .
我入左去一個鐘，只係行到一轉，仲要乜都買唔到，幾乎暈低頭痛住出黎囉！！！
真係迫到唔識講，好似唔駛錢咁囉！我只係想買愛皇健或者睡康寧枕頭，但就幾乎連望都望唔到囉！終於埋到愛皇健畀我見到佢售罄，算，睇埋睡康寧，見住佢剛開箱，但成班人勁癲衝埋去搶，我係點都唔會去搶埋一份囉！所以轉左個圈決定放棄。
不過真係超辛苦，焗到幾乎缺氧，完全唔明點解d大肚婆仲走去迫一份囉，唔驚個肚畀人撞到架？！
上埋超市果邊望，係幾多野想買，但見到條龍就無哂心機買，即閃！！
跟住意外畀我發現沙田廣場十一月三十前0既星期一至四晚上九點後係七折囉！！終於一百蚊左右又飲又食到勁飽，滿足過買到野呀！！
老公話星期六再去過，唔知買唔買到想買0既野呢？我真係想買返對枕頭呢！！
真係好多人架,如果你想買就要診開門果段時間就好d,我都買左張駝毛被,仲未有得拎住呀!
回覆刪除[版主回覆11/22/2008 09:23:00]可惜就係我呢兩朝都唔得，今日要返工，聽日要上堂，激死~~
(Empty)
回覆刪除[版主回覆11/22/2008 23:42:00]thx~
迫到迫到爆,真係比多少少錢舒服d行算啦=0= 唔好比錢買難受呀!
回覆刪除[版主回覆11/22/2008 23:45:00]係啦，我本身諗住望下有就買，但一入左去就迫住行大半個圈先轉到出黎~~
大肚婆大哂吖嘛 !! 哈哈 ~ 我睇報紙都覺得好誇張呀 ~
回覆刪除[版主回覆11/22/2008 23:43:00]我覺得d人唔會就住大肚婆囉，好危險~~~真係好誇張，唔駛錢咩？！
我20/11放工後...下午3點幾去到一田...
回覆刪除淨係響supermarket掃左少少零食^^
我心諗:「佢地唔使返工/返學？定係請假黎架？@@"」
「香港人真有錢...>v<」
[版主回覆11/22/2008 23:44:00]我都想買野食呀~~係囉，點解咁多人咁得閒呢？同埋又話經濟差，d人好似唔駛錢咁搶貨囉~~
我睇新聞有提過呢個 sale 哩. 低至兩折係抵... 但同人逼親死真係太辛苦啦...
回覆刪除[版主回覆11/23/2008 08:34:00]我無諗過咁多人先會走左過去~~下次咪搞我