Jelly Beans

我真係好鍾意著boots，每年秋冬都必定會買boots，今年當然唔會例外。之前出去睇左好多對，但唔係d 質料唔0岩心水，就係無我個碼，灰。本來0向blogger度都睇到合心意架，問埋價錢，可惜老公又話唔好睇，唔畀我買，激死！

不過咁多選擇之中，睇過最念念不忘0既，就係JELLY BEANS 兩款boots，其中一款見過有，可惜無我碼，另一款 . . . 今日終於畀我見到喇！！！

其實間舖都有我之前睇中0既ankle boots，可惜一樣係無哂我個碼，而且店員話連日本都已經無貨，想幫我都幫唔到，好彩畀我望到果度竟然有另一對我睇完勁鍾意0既款，仲要有我鍾意0既色同齊碼，開心死我喇！！！！

就係下面呢款喇，個圖係取自JELLY BEANS官網，實物我未影相呢，記得果陣上網睇到已經好like，老公都話好睇，不過好懷疑條毛係咪會拖地（0下？！點解佢會諗呢樣野架？），但佢show 都要成九千幾yen，就算香港有得賣都實貴一大截啦！！

真係估唔到竟然畀我見到，仲要唔算貴，試上腳之後就更加唔願唔帶佢走，終於，咪就係老公買左囉，呵呵！！！

其實佢有四隻色，但白色我覺得最靚囉，大家覺得呢？