國慶日

國慶假期，補完習同老公出黃埔，但因為太餓0既關係，所以0向紅磡食左野先，去左小魚滋味。

上次同Cathy 試過魚鍋，今次試雲吞雞鍋，都好好味呢！

好鍾意佢果度個燈囉！

傻瓜老公好似又肥左，哈！

食完我地就出左黃埔喇，乜都逛逛咁啦，0向Trendyland 有少少收獲，又買左Aaron演唱會DVD。

逛左一圈我地就去左冒險樂園，無乜game想玩，d 公仔又唔吸引，不過果度咁大，身處其中已經覺得開心，哈！跟手去埋夢幻樂園，明明平時好多Kitty架嘛，果度都無乜0既，佢有隻熊貓Kitty本來我想玩，但臨換錢我老公突然問起：你屋企係咪已經有呢隻架喇？0依，又係喎！好彩佢問得及時，哈哈！

之後我地去左吉之島，0向十蚊廣場買左 d Kitty 野，仲搵到隻同我打爛左0既兔兔碗好似0既碗，即買，成個人當堂開心返，事關雖然隻碗已經爛左n日，但我仲係耿耿於懷，依家買得返近似0既我已經好開心呢。

逛完我地又搵野食，0向吉之島買左d熟食同零食，坐低食左個燒肉同炒腸粉，老公買左燒肉，都幾脆口；我就鍾意我揀個炒腸粉，勁好味！！

食完口渴去搵野飲，見到M記有個飲品好得意，同7仔個思樂冰好似架，咪買黎試試囉！

大家覺得我手上杯野係咪好似曾相識？

呢杯野真係勁似思樂冰新地，搞到我都唔記得佢乜名囉！

行完一輪搭左車出又一城再逛左陣，0向H&M買左件外套，0向Log-on 買左支香水，行埋超市就回歸喇，今個國慶日都算充實呢！！