南瓜帽

今個萬聖節無去玩，但見到呢頂南瓜帽咁搞笑忍唔住買左，哈！

我個樣仲係好病啦！！

嘩！鬼呀！！！哈哈哈哈！！！

Emily@葵芳新都會

前幾天於新都會看見很多Emily ，拍了下來。

萬聖節快樂

 

 

各位，萬聖節快樂呀！！！

HAPPY HALLOWEEN！！

原來還有的 . . .

原來仲有d 野買左影左相未post，唔知幾時0向SASA買0既。唔post都真係唔知我都買唔少野囉！！

上面咁多野係支質酸同眼線筆用過，其他都未開架！！Crazy！

呢支係黑龍堂0既卸妝油，沖緊涼都用得架，不過我未開黎試，因為我支DHC其實未用哂囉！而我依家最常用0既又其實唔係DHC係Bioderma 囉！！！哈！

相信由下月起我0既敗家日記會少勁多，因為一千蚊計劃將會強制進行，慘喇！

Funny photos

講病都講左好幾日，雖然未好返哂，但都講到悶，畀d 得意搞笑相大家睇睇啦！！

呢張都唔記得邊個web 度整，都幾搞笑呢！

幾張相都係photo funia 整，網址唔記得喇，不過應該好易search，呢個都幾好玩，出黎效果都正，大家都玩0下啦！

呢張都係出自photo funia ，呢款識scanning face 喎話，但大家睇0下佢focus 左d 咩？

哈哈，係腳指呀！！！！wakakakakaka！我畀張bb 相佢，佢同我cut 左個腳指位去頭果度囉，呢張野一load 完笑到我同老公死死0下呢！！！

呢張都好搞笑，好似整緊貼紙相咁呢！

 

上面兩張係用老公電話0既上下分格影，第一張都唔算好笑，第二張影果陣已經忍唔到笑，影完一睇即刻笑爆左囉！！

 

呢個油畫效果將老公影得好樣左幾多，哈哈！乜瑕疵都見唔到梗好啦！！！

 

呢副係0向前影架，部都幾靚呢！

咁樣自拍連樣都睇唔到呢！

真係最鍾意呢個效果囉！！

 

 

呢個框線效果將普通一條街都影到好靚呢！！

 

呢個係底片效果，果三點係街燈黎架！

我左眼 . . .

我隻左眼 . . . . .

 

 

 

腫左呀，嗚！！！！

 

點解會咁架？！！

 

病足一星期未好已經灰啦，聲都沙哂心情已經勁低落，依家連眼都腫埋，玩咩？！

一副病樣見人已經夠慘，依家眼腫埋又樣衰左啦，仲要無得遮，有無咁殘忍架？

雖則我唔係成日化妝見人，但都唔好要我咁樣衰見人呀？！真係灰爆囉！！！

希望快d 無事啦！！包括我0既感冒、咳、氣管同把聲！！！！！

 

忘了何時敗了家

以上呢堆野實在係唔記得邊日買，應該好一陣日子架喇，不過我病到無心機post 日記，所以搞到依家連日子都唔記得，哈！！

Halloween 果個貼好明顯係無可能貼落手指甲，但見好靚所以買左囉！！

呢個應該係同Cathy 一齊買架，因為係同佢行SASA佢勁推的，不過真係好香好潤，最重要係平囉！！記得果日本來想買細size好似50 ml 18蚊，點知見到個大size 40蚊買一送一囉，就係咁我咪同babe佢一人一支囉，真係抵到呢！用哂應該會再買，因為好鍾意個味同埋last 到都幾長時間囉！咁0既值錢，平過哂我d crabtree、jurlique果d囉，粗用抵呀！！！當然我最雃愛0既crabtree係會繼續外攜用啦，哈！

呢個眼0既concealer 好明顯係被包裝吸引左我啦，我呢個低b 妹一見d 可愛包裝就being crazy，不過反正我一向少concealer 就買支啦！！

MAC 0既eyeline gel 一直聽聞好好用，於是就買左囉！不過估唔到佢d products 都幾平，本來想連筆都買埋，不過babe Cathy話我已經好多，唔駛買喇喎，so 就忍左手啦！！呢個產品又真係好用，亦平過Bobbi Brown，可以用完再買！（樣樣都用完再買，但真係會用得哂咩？？？！小姐你究竟知唔知你買左幾多架？！）

SEPHORA 係第一次接觸0既牌子，間shop都幾多brand，我竟然奇蹟地只係敗左一樣野，真係奇蹟黎架！！講返個blush，隻色實物係淺色好多，比我平時用0既benefit、ettusais都要淺，掃上去係淡粉紅，我覺得幾適合返工用，有d臉色之餘唔會誇張，仲幾long lasting呢！！

呢個扣針好似同前面各樣好唔關事，但呢個抵囉，10蚊，本來係諗住做姊妹果日用，點知最後唔記得點解無用到，不過我信總有機會用0既！（到時搵到先講啦！！）

南瓜粟米肉碎粥

因為一家之煮0既我病左，所以變左無飯家庭，而我老公當然無咁好會願動手整野我食啦，但眼見我病到死死0下，梗係唔會要我自己整啦！

於是乎，勁無胃口0既我，為左要食藥，就要迫住食d街外野喇，但病到咁又食得d乜咩，咪餐餐腸粉、米粉同粥輪住黎囉！

前兩晚都係老公速遞海皇外賣，前日0既菜乾排骨唔太掂當，食到本來唔想食野0既我更唔想食，尋日個南瓜粟米肉碎粥就好得多喇！

呢個粥一向係我0既至愛，唔會咸無乜味精又好夠南瓜味，加上顏色好靚，令人都食得開胃d啦！尋日見到呢個真係開心d架，不過自己捧住食好辛苦，因為兩隻手都酸軟無力，最終要老公餵我慢慢食先食得哂，希望快d好返哂，唔駛再日日食外賣啦！

又繼續做藥煲

還妄想星期日休息了一整天，星期一可如常上班，結果事與願違。直到現在我還是呆滯得要緊，整個人軟軟的很乏力的感覺，討厭。

昨天老公特意請了半天假扶我去看醫生，沒誇張，我沒氣沒力得連直線也幾乎走不到，若沒有他真不知怎去看醫生。

終於昨天除了看醫生就整天在家休息，今天下午強撐著上班去，兩天沒有補習了，病假日數也直線上升，可不可以不要再生病呢？

又要吃那些難吃非常的藥，吃完整個人迷迷糊糊的，什麼胃口也沒了。

這幾天都是粥、腸粉和米粉，吃得我快要想吐，很懷念我的零食、甜品和壽司呀！！

發燒

其實由上星期二開始已經作病，尋日朝喉嚨更係火燒咁，好彩下晝好返d喇，尋晚又難得齊人，當然出左去先算。

返到屋企就知賴野，係咁咳又頭痛，半夜開始仲發冷又發滾，又喪冒汗，醒左成幾十次，去廁所果陣照鏡見到自己全臉同眼都紅哂，全身火燒咁但又覺得勁凍，唉，又發燒喇！！

全晚都覺得個人好辛苦，全身都痛，特別係肩膊、手臂、腰同頭，痛到幾乎郁唔到，今朝九點幾終於等到老公返黎，扶我起身食多次藥，仲陪我沖個涼（因為我驚自己沖會暈低）。佢今日約左人踩電單，佢想唔去架喇，我唔想佢因為我無得去做運動，所以叫佢買埋野食畀我就可以出去，累佢班朋友等佢成個鐘，真係唔好意思。

沖左涼都仲係係咁出汗，迷迷糊糊訓0下醒0下，到後來醒左食埋野食埋藥就訓唔返，不過好彩無再繼續勁出汗，同埋終於退左熱喇。只係個人仲係好痛好散，希望訓埋今晚會無事啦！

本來今日應該係同Cathy上現代舞，之後仲約左Amy食tea，跟手再同老公行街食飯，就因為突然發燒搞到邊度都無得去喇，慘！

TC 聚@澳門舫

今晚TC 聚於澳門舫，終於齊人，太好喇！

呢度無論格局、服務、食物都唔錯，價錢仲好合理，可以再去啦！

未齊人前影下相先啦，左起：珊姐、Gigi、Amy、我同Cathy

我兩個傻0既好姐妹，佢地真係傻架！

加左sparkle effect，好靚呀！

再加埋fish-eye effect，笑爆啦！

Amanda未到，再繼續影0下相先啦！

終於齊人喇，開飯前黎個大合照，yeah！左起：Amanda、珊姐、Gigi、Amy、我、Cathy、Carman同Helen

呢個雞好滑溜呢！

魚頭煲又香又滑又夠入味！

呢個普通，不過蝦同帶子都幾大粒！

一講起菜心最抗衰老，大家起勢夾，哈！！

大家睇下隻碗，就知窩蠔仔肉碎粥係好大窩架喇！！

0者0者雞好惹味呢！

唔記得乜名，但我最鍾意呢度菜，個蛋好滑仲好有蟹味呢！

個湯飲左大半先記得影，哈，但咸左d囉！

冰鎮芥蘭夠爽脆，配埋wasabi 豉油夠醒神！！

呢個果盤好似係送架，好似人樣呀，哈！

綠豆蕃薯糖水好似都係送0既，唔好綠豆0既我都覺得好味呢！

食飽梗係黎多張大合照啦！！！

同場加映：新電影分格攝影

呢個分格真係好搞笑，我同Cathy試左幾次先影到呢個效果架！！

9格呢個仲正，影哂我地8個整古做怪，其實影得一d都唔易，不過好好玩呢！！最重要係好有紀念價值啦！！TC Club 萬歲！！！唔好唔記得我地0既crazy 歲月呀！

今次聚會大家都好投入，好開心呢，希望黎緊0既BBQ會更加好玩，到時要同大家影更加多相呀，yeah！！！

老套d 都要講句：祝友誼永固！！