Indo Mie

呢隻麵唔知大家有無覺得熟口熟面呢？

可能好多人都會有食過，我亦相信唔少人鍾意食，如果唔係，佢都唔會由本來只係賣印尼食品0既舖頭、裕記同某d士多先會有得賣，去到依家各大超市、街市等都會見到佢0既蹤跡；亦唔會由原來五蚊六包去到六蚊五包到依家九蚊十蚊五包甚至超市價十幾蚊五包囉！

佢，就係超市賣緊黃色包裝0既營多撈麵喇，記得果時我發現超市開始有得賣果陣我真係開心都叫咁滯，但今時唔同往日，依家超市個價真係貴到飛天，我呢d師奶仔梗係轉返去賣印尼食品0既舖仔買啦，幾經辛苦先畀我見到最平舊包裝果隻賣八蚊五包，新包裝就要九蚊架喇！不過舊包裝好快就會無，因為到期日係下年，我估佢賣埋尾架咋！

你話呀，如果唔係越來越多港人鍾意左呢個麵，點會可以貴到咁呀？不過好難怪，因為呢個麵真係好好味，試過咁多隻，最愛都係原味，yeah！仲係方便易煮果下好嘛，我有時無帶飯都係食佢架咋！

雖然明知應該會好肥，但我最愛0既即食麵，除左佢，別無他選。