意外收穫

同同事調左，所以今日都要返工，放工後同老公去有左新城市lunch同逛逛，今日食峰壽司呢，其實去親都係食果幾樣，久唔久口痕又會忍唔住想去食，哈！

今次淨係食到上面0既壽司，竟然我最愛0既甜蝦軍艦佢無得供應囉！

醫飽肚後去左行一田，我真係勁愛逛supermarket 囉，特別呢類係乜都得賣0既，正！

呢個南瓜好迷你，切開真係唔知有幾多肉係食得架囉！

無意中見到呢個model，初頭未睇真真係以為佢係公仔，我聽身邊好多圍觀者都究竟緊係真人定假人呢，哈哈！

就算佢轉埋pose ，d人都仲係有d疑惑呢，超搞笑！

一有埋去佢就突然轉pose嚇人，都幾得人驚呢！

轉定左佢又郁都唔郁，眼都唔眨架喇！

真係點搞佢都唔眨眼的，勁！

zoom in 就會見到佢係有好多體毛架！

今日行行下行左去化妝品果邊，見到sofina新出果款眼影咁得意，走埋去望望啦，點知無啦啦有人向住我叫姐姐，一望原來係補習仔仔果個姑姐定姑媽，佢0向sofina 專櫃做呢，估唔到佢見過我一兩次都認得我囉，勁呀！

本來我無諗住買野，但佢好nice咁講話如果員工買有八折，跟住又話要拎d 護膚品sample 畀我試試，我真係覺得唔係幾好意思於是婉拒，但佢好熱情地話無所謂，問埋我膚質就入左去搵sample 畀我，其實我係從來無用過呢個牌子的，聽佢講話HADA‧KA呢條line會0岩我，覺得試試都無壞，就照等佢啦，點知佢一拎就成袋，成條line齊，仲每樣好幾份呢，我返屋企睇過懷疑唔只用一星期囉！

另外，佢都有同我講仔仲未返，唉，我d 錢呀！

唯有當我都放左個暑假囉，唔係可以點呢！不過我呢輪真係睇多左戲，煮多左飯，多左時間陪老公，呢d就係有失必有得喇！

呢度就係收到0既試用裝，真係成條line 齊哂架，勁多呀！