燒豬之旅（一）

呢個星期日同左OD朋友仔去左Cycling，初起仲擔心會落雨踩唔成，出去見無落雨就住陰陰地天幾好踩啦，點知越踩越越、越踩越曬，最後大部分人都變左燒豬。

佢地相約左0向沙田食完早餐出發，我呢d大圍就寧願同老公嘆完早餐，0向大圍租車踩過去join 佢地，都係踩多幾分鐘路程0者。

踩單車0既過程就無乜好講，大家睇相好過，下面係大家0向海濱公園休息果陣0既疲累樣。

大家姐攰到唔想張開眼喇！

三姨好似無曬過咁，都無黑左幾多。

我好明顯係炭燒左啦~~~

Tony 真係好攰咁囉~~

佢熱到要除衫呀，好嚇人呀~~~

昌神一個載一個仲咁精神，勁！

反而被人載果個好似仲攰，哈！

呢個膚色最靚，又精神，勁呀！

Tony 訓左都曉笑，發緊咩夢呀？

呢座野好高呀，不過我已經攰到唔願行上去。

今日個天超藍呀，朝早明明仲陰天架~！

大家忙著抹汗同補防曬呢~~~

海濱公園其實都幾靚呢~~

我好鍾意呢個瀑布呀，仲忍唔住落左去玩水呢~~

其實未完架，但因為yahoo 每次只限20張相0既弱智限制，唯有下篇繼續啦。