今次真係燒豬喇

話明係燒豬之旅，就肯定係變左燒豬先咁講啦，尋日出去果陣仲陰陰天，不過我呢d 怕死0既當然有搽防曬啦，只係有d人唔聽人講，乜都無搽就出去，到下晝曬到嘔咪知賴野囉！

跟住我都keep住每次停低都補防曬，問d人要唔要又死唔駛，終於佢就真係變左紅燒肥豬喇。（最激氣係佢竟然為此自豪，傻架！）

呢個就係即日已經見得到0既慘況，真係燒豬無誇張架！

我雖然喪搽防曬，但d邊位都有d紅，手背同手臂就最明顯，同埋一拉起手袖就見到黑左勁多，但點都唔及身邊果位囉！

初起仲諗住咁已經係好勁啦，點知一晚過後，d 紅腫現哂形，佢就肯定會啦，估唔到我尋日睇都仲無乜事，今日就死得喇！

兩隻手前臂同手背都紅哂腫哂囉，仲勁痛呀，暖少少0既水都唔掂得呀，會辣到飛起，陰功！仲有就係袖位同褲腳位d皮膚都紅哂，又係一掂就痛，超慘！我明明好努力搽防曬，點會咁架？！不過手臂果d可能係因為我成日洗手，所以d防曬甩哂，邊位果d就真係唔明解喇。

呢隻豬就唔駛講喇，大家都睇到架喇，簡直係恐怖，慘不忍睹呀！最樣衰係d人又要曬，曬完痛又要唔畀我掂囉！

我把口就鬧佢，點會由得佢呀，今日即刻去買d曬後護理幫佢搽啦已經，希望快d無事啦！