奶奶請食飯

尋日奶奶約食飯，我地去左心泰食，不過覺得d野差左好多，下次都係轉食第間先得喇！

呢個椒鹽魷魚很好吃呢！！

這個香葉沙嗲雞串也不錯！

海南雞飯，竟然是熱的？！而且飯很硬，失敗之作！

賣相好靚0既菠蘿海鮮炒飯，但唔好食的！

埋單果陳，奶奶爭住畀錢，佢又講話儲埋一次過食我地餐勁，哈哈，佢成日都咁講，但好似未食到餐勁囉，不過一次半次就由佢啦，反正成日見，大把機會請佢。

上次講到老公變左燒豬，奶奶當然有幫口鬧老公曳啦，但鬧還鬧，跟住梗係即刻去買返支曬後護理過佢啦。不過好搞笑地，我地買野，奶奶又爭住畀錢喇，今日約我地出黎又爭畀錢，唔同佢中左六合彩？！

哈哈，講笑0者，我奶奶咁好人又錫我兩個，爭畀錢都唔出奇啦！希望老公好d事業有成，經濟環境越來越好，等你退休之後就可以認真休息下享清福喇！