掃興

尋日本來約左OD友，但因唔舒服甩左底，休息左一日，諗住今日無咩啦，所以照計劃出去同兩好友去逛街兼dinner，點知 . . . . . .

其實出去已經有少少頭痛，但仲ok，行左聯合，買左幾件衫同一件勁正0既打底裙，想買鞋但心大心細最終無出手，反而佢兩個都買左鞋呢~~

一路keep住都頭痛，行完搭的士去cafe dinner，越來越唔掂，不過落車後又無咩事喎，就無理啦~

一入到去間野都幾靚，氣氛唔錯，我地叫完野食後就係咁影相，so happy~

我地選擇左任食，133加一，任食三文魚刺身、壽司、拉麵、飯、小食等，野食黎到諗住開餐啦，可惜 . . . . . .

就係我食左幾件刺身同前菜後，個頭就脹痛得好緊要，見住d野食完全食唔落不得已，仲有d反胃想嘔，跟住就停口兼停手休息，搽埋油都唔掂，個胃拿住拿住，最終入左廁所~

好想嘔但嘔極唔出，最終只係嘔左水同痰同少少食過0既0野，反去再坐低休息陣都係唔掂，唯有call老公黎接我~唉~

等佢期間個肚有d餓，見好d就食dd 0野，食左無兩啖，就衝出去廁所嘔過喇，今次終於嘔得出，幾乎係噴囉，超核突超辛苦，想喊咁滯~

嘔完好少少，但仲係辛苦，等左勁耐先等到老公黎接我~

落左去成個人好好多，唔知係咪間0野空氣唔夠流通呢？一落樓即買panadol食，食完死忍住唔嘔，返到屋企就無乜點痛lu~

之後沖個涼抖親覺得肚仔餓，老公又食野，成十二點佢落去買有蝦餃燒賣排骨飯返黎同我share，食左少少就覺豬啦~

今晚真係超掃興，又waste money又無得同兩好友girls talk ，仲要咁辛苦，超可憐呀~~唯有當日買衫買貴d啦，同埋下次再出過去啦~~sor ar ladies，要你地擔心我又掃你地興又無得陪你地傾偈，我真係好好養好身體先得~~~

話時話，呢一兩年我都嘔過好幾次，腸胃真係差得好緊要，要take care先得~~~