趕辦年貨

之前一直未有時間辦年貨，直到尋日已經年廿九，更唔得閒都要嘔d時間去搞啦！好在年廿九度度都收夜d，所以放工返到屋企就叫醒老公豬陪我出去辦年貨，點知一叫叫到成八九點佢先起身（期間我叫叫下忍唔住左個鐘），最終十點先出去。

老公尋日終於換左錢返黎，我一個入哂d利是，之後大家都梳洗完就出去。

放工果陣打過電話畀奶奶，諗住同佢dinner，辦完年貨再去行花市，點知佢今日放十一點幾，oh，於是我就話等佢食宵夜，佢當講笑，我同老公不知幾認真，而且我地最終咁夜出去，食宵夜都真係差唔多。

沙田超多人囉，真係好誇張，多人到我係咁畀人撞，走左一輪，終於叫買左禮盒，放屋企放低d野，就一齊去飲夜茶。

飲完夜茶都兩點幾，老公仲想博博睇源禾路果個年宵仲有無野睇，於是同奶奶就陪佢癲下啦，點知去到乜都無，好彩見到仲有檔賣花，最終一人住一大紮花走。

跟手仲返埋奶奶度野，返到屋企已經四點幾。本來尋日返工已經好，返到去真係勁sleepy，轉眼就左喇！

今朝一出門口就去鉗錢，因為日日都見到多人而，但尋日lunch飲茶果餐今日點都要畀錢同事，多人都要照排啦，等左我勁耐，最終都遲到，激死！不過唔駛責過年，可以趕及畀返錢同事，就算啦！

今日返三個幾鐘咋，講真，大家都holiday mood，無乜心機做野呢，最搞笑係今日得半日都有野食，呢度真係食唔停呢，哈哈！

放工果陣超sleepy本來想返去陣先，但諗諗下都係搵埋媽咪細佬食lunch，於是上左媽咪度，細佬三催四請下先出到門口，去茶樓都兩點幾。好地地飲餐茶，都畀細佬激到想喊，佢發脾氣走左去搵極搵唔到人，轉頭返黎可以當無事繼續食，好聲好氣同佢講野，仲要發難渣講哂晦氣說話，食完即刻自己走人囉！同媽咪傾左一陣，真係覺得細佬好惡搞，但講到尾，佢地自己都有責任，口話無縱，但明眼人睇都覺得好縱囉，有話有教又點，呢頭話完果頭縱返，點會有用？！唯有希望細細大大下會改善啦！

食完野同媽咪行去瀝源買野，細佬終於出現返，雖然仲係駁嘴駁舌，但都叫做肯聽人話，希望佢真係明啦！老公已經放左工0向瀝源等左我好耐，我等媽咪買埋野就同老公走喇！

今日仲係超多人，諗住行下同老公置新鞋，點知睇中左但無佢size，我知道佢好鍾意呢。行到咁上下就返屋企梳洗，因為要去伯伯度團年。

好快咁食完團年飯，就0向荃灣行下睇見唔見頭先睇中對鞋，好可惜得其他色，老公終於買唔成新鞋呢！

之後快快去多轉年宵，嘩，今日多好多人呢，我地走左個圈，買左兩個咕同一個風車就走喇！

真係超眼，我就可以覺喇，但老公仲要返工呢，可憐。